مخنوق ... زهقان ... متضايق ... فى تجربه ...حاسس بخوف

مخنوق ... زهقان ... متضايق ... فى تجربه ...حاسس بخوف

نادى عليه وارفع ايديك وعينك له
اتكلم معاه احكى لة اللى فى قلبك
لو مخنوق
ـــــــــــــــــ
قوله فينك يا ابويا انا مخنوق اوى ومحتاجلك
تعالى شيل حملى اللى على كتفى
تعالى يارب وحس بضيقتى
محتاجلك يارب
انت قادر تحول الحزن والخنقه الى فرح وسلام
لو زهقان
ــــــــــــــ
قوله زهقت خلاص من كل حاجه
من العالم والناس وكل شئ
زهقت من نفسى ومن روحى ومن كل حاجه
زهقان يارب ومحتاجلك تغيرنى وتغير كل شئ حواليا
انت قادر تحول الحاجه الوحشه الى حاجه حلوة
لو متضايق
ــــــــــــــــ
قوله انت قولت تعالوا الى يا جميع المتعبين وثقيلى الاحمال وانا اريحكم
وانا هو جايلك تعبان ومخنوق ومضايق والحمل عليا تقيل
وكتفى مبقاش يستحمل تعالى شيل عنى احزانى واوجاعى
محتاجلك يا يسوع
لو فى تجربه
ـــــــــــــــــــــــ
قوله انت وحدك اللى قادر تشيلها عنى
انت وحدك اللى حاسس بيا
خدنى فى حضنك وضمنى
وانا مش راح اخاف من اى حاجه
ارحمنى يارب

حاسس بخوف
ـــــــــــــــــــــــــ
قوله انا حاسس انى خايف رغم كل وعودك انا خايف
عاوزك جنبى تخدنى جوة حضنك تنزع منى كل قلق وخوف
بيك انا اقدر اطمن واحس بالسلام

يارب تعالى انتشلنى من بحور الضيقه واليأس والتجربه امسك بيدى مثلما امسكت بيد بطرس لما غرق عشان قله ايمان
انا كمان ضعيف الايمان اوى اوى تعالى يارب انزع منى كل خوف حول ضيقى الى فرح وتجربتى الى سلام
انت وحدك يا يسوع عالم باللى فيا تعالى بقى

انقذنى. ارحمنى. الحقنى. دافع عنى. ساعدنى. اغفرلى. نورلى. احمينى .فرحنى . ريح بالى

لتكن مشيئتك فأنت عالم بكل شئ